اولا:الذهب الاجمل والاغلى
العنايه بالذهب والحصول على افضل بريق ولمعان له اختارى اى من الطريقتين:
1_انقعى قطعه الذهب فى مزيج من فنجانين من الماء المغلى المضاف له الامونيا (النشادر) ثم يتم دعك قطعه الذهب بفرشاة اسنان ناعمه ويتم شطفه بماء دافىء للحصول على البريق المطلوب
2_ادعكى الدهب بلبانه الخبز(قلب العيش الفينو او البلدى) ثم يتم دعكه بفرشاة اسنان ناعمه ويشطف بالماء الدافىء
3_ اوعى تستخدمى اى من مساحيق التنظيف لتنظيف الذهب لانها تحتوى على مواد كيماويه تتفاعل مع الذهب وتقلل من جراماته
4_للحفاظ علة الذهب ضععى كل قطعب ذهب فى علبه عشان مفيش قطعه تجرح قطعه تانيه وتبان كانها قديمه ولو معندكيش اشترى اكياس قطيفه وحطى كل قطعه لوحدها
ثانيا : الفضه
1_لتلميع الفضه ضعى قطع الاكسسوارت الفضه فى اناء من الماء الساخن وعصير الليمون ثم يتم دعكها بقطعه شمواه
2_استغلى ميه سليق البطاطا فى تلميع الفضة عن طريق غمز قطعه من القماش فىها ودعك الفضه بها
ثالثا: الاكسسوارات العاديه يعنى مش دهب ولا فضه اللى بتتباع بتمن رخيص فى المولات بس بتكون حلوه وبنحب نجبها
عشان تحفظى عليها اول ما تشتريها ادهنيها بمقوى اظافر ده بيعمل طبقة عازله ومش بيخليها تغير لونها
وعشان تحفظى على اكسسوارات اوعى تجيبى عليها اى عطور او تلبسيها على الشاطىء
رابعا: الساعات
حطى الساعه فالعلبه بتاعتها خصوصا لو كانت ساعه غاليه ومتنضفيهاش ابدا بنفسك حتى لو كانت مقاومه للماء لازم تفكى الاسوره عن الساعه الاول
خامسا: نظارة الشمس
لومش هتلبسيها يبقى تحطيها فالجراب بتاعها واوعى تحطيها على شعرك او هدومك عشان ده بيعرضها للخدش ودايما لما تيجى
تشيليها او تلبسيها تنضفيها بالمنديل بتاعها واوعى تنضفيها بالمناديل الورقيه لانها بتكون خشنه
الإثنين سبتمبر 29, 2008 10:43 am